يا عيون حبيبتى ..

يا عيون حبيبتى..
انا جيتلك .. و هحكيلك..
انا المهموم..و هشكيلك
هموم قلبى..
و هتكلم ولا اخبى..

يا عيون حبيبتى! 
  * * *

انا العاشق
و جيت علشان أصليلك..
وأطوف حوالين
سواد عينك..
و أهديكى كلام شعرى..
و أغنيلك مواويلى..
  يا عيون حبيبتى!   

* * *
 انا اللى بموت 
و انا مستنى لقياكى ..
و كام يحيينى رؤياكى..
انا اللى تملى بهواكى ..
و لا أقدر..

فى يوم ياحبيبتى انساكى

* * *
و انا اللى كتير .. 
سهرت الليل .. وبكتبلك:
اعشقينى و موتى فيا..
و حبينى و انا احبك..
خلى قلبك كله ليا..
و موتى فيا..

ياعيون حبيبتى!