يا عيون حبيبتى ..

يا عيون حبيبتى..
انا جيتلك .. و هحكيلك..
انا المهموم..و هشكيلك
هموم قلبى..
و هتكلم ولا اخبى..

يا عيون حبيبتى! 
  * * *

انا العاشق
و جيت علشان أصليلك..
وأطوف حوالين
سواد عينك..
و أهديكى كلام شعرى..
و أغنيلك مواويلى..
  يا عيون حبيبتى!   

* * *
 انا اللى بموت 
و انا مستنى لقياكى ..
و كام يحيينى رؤياكى..
انا اللى تملى بهواكى ..
و لا أقدر..

فى يوم ياحبيبتى انساكى

* * *
و انا اللى كتير .. 
سهرت الليل .. وبكتبلك:
اعشقينى و موتى فيا..
و حبينى و انا احبك..
خلى قلبك كله ليا..
و موتى فيا..

ياعيون حبيبتى!

كان و مازال !

كان يــا ما كان ..

كان فيه زمان شيخ محترم ..

نادى بعلو الصوت هتف..

ضد الفساد..

نادى بشنق الجلادين ..

نادى بحق المسجونين..

و عشان كده..

راحوا العساكر فجأه داسوا ع الزناد..

قتلوا الشهيد الشيخ عماد !

         *  *  *

كان يــا ما كان..

كان فيه زمان دكتور جدع..

نادى بعلو الصوت هتف..

ضد النظام..

نازل يقف ويا رفاقه فى الميدان..

نازل يقف ضد اللى خان..

ضد الجبان ..

ضد السكوت ع الاعتداء..

و عشان كده..

راحوا العساكر اطلقوا نار الغباء..

قتلوا الشهيد دكتور علاء !

       *  *  *

كان يــا ما كان ..

كان و مازال فيه ثورة صامده فى الشوارع..

كان و مازال ما يهمهاش ضرب المدافع..

كان و مازال و مكمله أفديها بدمايه..

كان و مازال و مكمله حتى النهايه!

        نهايتكم انتوا !

خان .. يخون .. اذا اخوان..

 فاكر يابنى لما سابونا..

لما باعونا فى الميدان؟؟

لما أباحوا دم الشهدا..لاجل الكرسى..

و قالوا كمان ..

ان مظاهراتنا دى مؤامره..

و ان مفيش شرعية لثوره..

و ان خلاص هم الشرعيه؟!

ليه جايين دلوقتى بنهتف:

    "بيع يابديع"

اصلا كل ما ليهم فيها.. باعه زمان..

لما اتحالف ويا العسكر ضد الثوره..

لما فى يوم الخاين خان

دا الاخوان اصلا كاذبون..

و كمان بينافقوا..

فاكر لما بديع يوم قال..

انه موافق ع التوريث للى اسمه جمال؟؟

طيب شوف ياسيادة المرشد..

اكدب ماشى..طلَع ميليشياتك تقتل..

لكن افهم..

بكره هيجى اكيد و تغور ..

عندك حسنى مبارك عبره..

و انت عليك يا بديع الدور!

معلش!

لــو فــاكـره انـى بـــحــبـك مــــوت
و انى فــ هواكـى يا حـلوه بــمــوت
لــو فــاكـره انـك حـلـوه ، جــمـيـلـه
وشايفه نفسك كيلوبترا او حتشبسوت
يـبـقى يا بنتى خـلاص..معلـــــش!

رثاء..صديقتى ريم

صديقتى ريم .. كم انا حزين لوفاتك ، لكنى ميقن حق اليقين انك     الأن فى مكان أفضل .. انتقلتى الى السماء ليس لشئ سوى أن       الملائكه لا يعيشون على الأرض...ربنا يرحمك...

ان كان لى ان اكتب فى رثائها : 

 ذهـبـت ولــن تــرجــع..

ذهبت الى ما حيث لاعودة..

ذهبت و تبقى الذكريات فى قلبى تُوجع..

ذهبت و كل عيون هذا الكون تدمُع..

ذهـبـت ولــن تــرجــع

ذهبت الى حيث الخلود..

ذهبت و أبدا لن تعود..

ستظلِ ذكرى طيبه مادام لم يفنى الوجود..

هى كـالورود..

تذبل و لكن تبقى رائحة الورود !

قصيدة الى حبيبتى

سأكتب فيكى كلماتى ..

سأكتب فيكى أشعارى ..

سأنهى حبر أقلامى ..

و سأبحر فى بحر أفكارى.. 

* * *

سأكتب لأنى أحبك..سأكتب

و أكتب بأنى احبك .. سأكتب..

سأكتب بأنك حلمى الجميل

و انك قمر يضئ ليلى الطويل

سأكتب بأنى ضللت كثيرا..

و أنى فى حبك و جدت السبيل

* * *

سأكتب بأنا التقينا ذات يوم تحت رخات المطر

و أنا فــرحــنــا كـــطائران يحلقان فى السماء

و أنا التقينا ذات ليل تحت اضواء القمر

و أنا وددنا لو طال اللقاء

سأكتب بأنك انتى اغنية و أنى انا الوتر

و أنى لأجلك عشقت الغناء

و قالوا ما قالوا لكن لم نعتنى لأقوال البشر

دعيهم يقولوا..يقولوا هباء!

  * * *

و سأكتب فى وصف هوانا..

عن حب عشناه سويا..

لم يعرفه قبل سوانا..

لم يك هذا حبا قط..

بل كان -سيدتى- جنونا !! 

* * *

و لأجلك -عاشقتى- أذكر انى واجهت الأعصار

و تحدينا العالم أجمع و مشينا ضد التيار

حاول من حاول ان يقتل..حبا يكبر كالأعمار

لكن لم يقدر انسان..ان يقف فـ وجه الأقدار!

* * *

عن أمريكا ..

إن كــانـت امـريـكـا حـقـا..

ترعـى كــل بــلاد الأرض،

تحمى المشرق قبل الغرب،

و تــراعـى حـق الأنـسان..
فــلـمـاذا أعـلـنـت الـحرب،
على بـغـداد وع الأفـغـان؟!

            * * *
إن كـانـت أمـريـكـا حـقـا..
تـعـرف مفهوم "البشريه"،
و تنادى بـحـق الـمـسـاواه،
و تـنـادى بـــالإنــسـانـيـه..
فــلـمـاذا أمـريـكا تمـضى،
حــتى الأنَ عـنـصـريــه؟!

            * * *
إن كان ف أمـريـكا حـقا..
جـُــــــنـــــــد الـــــــرب،
و تعادى من يدعو لحرب،
إن كان الخـير لـهـا دَرب!
و تحارب كى تنشر عـدل،
فــلـمـاذا تـبـدو أمـريـكـا..
دوما كما شـيـطان نــدل؟!
            * * *

جات يناير ..

فاكر انت أيام يناير..
لما كان الشعب ثاير..
لما مره الشعب فاق..
ولكرامته و مجده داق
شاف إشاره من السما بتناديله من جديد:
 "يللا انزل موت شهيد"
كل حاجة ليها طعم حتى انفاسى وسكوتى
كانت أحلى أيام ف عمرى
كنت بمشى فى الميدان مستنى موتى
و مُستعد..
لما جت إيديك على إيديا تشد وتواسينى :
"يابنى اصبر..
انت فاكر بالحياه بس هتحرر بلادك؟
مصر ممكن تبقى حره
لو نويت تهديها روحك
لو نويت تموت شهيد .. تبقى ذكرى ف عين ولادك"
فاكر انت أيام يناير لما كنا صف واحد..
لما مينا صلى جنبك و أنت صليت جنب مينا؟!..
لما شبهنا ميداننا بالسفينه؟..
إما نغرق كلنا أو فـ النهايه هترسى بينا..
فاكر انت لما أقسمنا يمين:
"أقسم بالله العظيم،أن أحافظ ع البلد دى مهما كان"
فاكر انت لما قالوا علينا حبة أمريكان ،
مُمولين ، و مُدربين ومُخربين؟
فاكر انت لما كان الظلم زاد؟؟..
و الكلاب نهبوا البلاد..
ظلموا العباد..
قتلوا الولاد..
لما ربك يوم أراد..
ينتهى بينا الفساد..
جات يناير !

الموت ينتصر ..

الموت منتظرٌ على العتبات ..
والروح فى الجسد امام الموت لا تخشى الممات..
الموت فى الأرض تحت الدبابات ..
الموت فى البحر قصف البارجات ..
الموت يحلق فى السماء .. الموت قصف الطائرات ..
الموت رصاصة جندى .. والموت لمن مثلى حياة ..
الموت لايخشاه من يحيا فى أراضينا ..
فكم مِتنا قبل هذا اليوم مراتٍ..
و كم عشنا حياة الموتى احياءٍ..
وكم كانت مآسينا؟
ياموت من أنت كى نخشاك؟!
لكننا من نحن كى نلقاك ؟
ياموت أنت اللعنة الكبرى..لعناك!!..
كم خضنا معاركنا سويا..
وكم انتصرت ياموت انت..و كم فرحت بموتنا..
و كم انتفضت..كم انتهكت قواك انت لقتلنا؟!
الموت يأتى كخفقة قلب مضطرب .. لكنه يبقى يصارعنا على مهلٍ
و يصرعنا و ينتصر..
و يدمينا و ينتصر..
و يهزمنا و ينتصر.. وننكسر ..
و يأخذ كل ما فـ الروح و الجسد..
و يهزمنا ولا يُهزم .. وينتصر!!

عن الحب الأول ..

أعـطـيت الأمـر الى الـقـلم  
                                  أن يكتب عن حبى الأول
فوجدت القلب قد أضطرب
                                  و إذا بـالـعـقـل قـد اخـتلَ
و أرتعش الجسد على الفور
                                  و الأيدى كما جسم شُــلَ
و الـقـهوة كــانـت بيـمـيـنى 
                                  انسكبت ، و الـورق ابتلَ
و القـلـب تسائل فى الـحـال
                                  مـــاذا_يا هــذا_ قـد حـلً؟
فأثرت الصمت فى أعمـاقى
                                  قـطـعـت جـمـيـع الأوراقِ
و الــقـلــب ازداد الإخـفــاقٍ
                                  و اشـتـاق الى الحب الأول!

امريكا و حكام العروبه ..

أيـا حـكام امتنا :

 لماذا نخش أمريكا؟!

قل لى ياحاكم دولتنا:

  هل امريكا إلـه يُعبد ؟؟..

  أم امريكا هى الشيطان؟؟ 

فلماذا نخاف الشيطان؟؟

لم تخشوا خالقكم يوما..

كالخوف من الامريكان..

فلتسقط امريكا و أنتم..

لولا الخوف الساكن فيكم..

ماكان لأبليس مكان!

اعتبروا ..

هنبدأ فى الكلام تانى .. و هكتب قصة أوطانى فـ خمس كلمات :
"نظام فاسد،و جيل قرر .. هيتحرر"
نظام فاسد قتل فى الشعب..
نظام فاسد و باع الأرض..
نظام خاين و باع العرض..
نظام فى الشعب يتحكم ، يذل ، يهين..
و نشكى لمين؟!
و مين يسمع لــصرخة أمه محبوسه فى أوطانها؟
و مين يسمع لأمه ساجنها حـكـامـهـا ؟!
لكن معلـوم لـكـم يـا نـاس .. بإن الظلم له نهايه..
ولازم كل من يظلم ..
يجيله يوم يكون عبره لمن بعده..
كما من كان فى يوم قبله..
اهوه عبره.. 

    فــأعتبروا !!
و بكتب قصة أوطانى .. بدم شباب نقى،طاهر..
و جيل قرر .. هيتحرر..
و يكسر قبضة السجان..
و جيل قرر..مايسكتشِ على ظالم..
و جيل يهتف..يقول:"قاوم"..
و جيل أمله..صلاح الدين فى يوم قادم..
و جيل صاحى ماهـوش نايم..
كما من كان فى يوم قبله..
فــأعتبروا!!

افعلوا ما تفعلون

 يا أيها الأعداء .. افعلوا ما تفعلون ،

و اسرقوا ماتسرقون ، و اقتلوا من تقتلون ..

لن نترك البلد الحزين ..
دمروا فى أرضنا ، كيفما شئتم..
لكنكم لن تفلحوا ، و سيأتى يوما تندمون .. 

يا أيها الأعداء .. فلتحذروا غضب السنين ..
و لتعلموا .. فى أرضنا ما لا تحسبون ..
فى أرضنا موتٌ لكم .. وهلاككم..
فى أرضنا ماتنكرون 
فى أرضنا كان صلاح الدين ..
فلتذكروا _اذا_ حطين
ولتذكروا كيف انتصرنا على الزمان .. على السنين
فى أرضنا ما تنكرون ..
لنا حيفا ، لنا يافا ، لنا غزه ، ورام الله
لنا عكا ، لنا الجليل و الخليل .. لنا حنين .. ولنا ...
و لنا ما تشتهون ...
فى أرضنا نبتت كروم التين ..
فى أرضنا القمح ، و الصبار و الزيتون
فى أرضنا نبتت من دم الشهداء الورود و الياسمين..

فلتفعلوا ما تفعلون ..

لكنكم لن تفلحوا و سيأتى يوما تندمون !!

بأى ذنب قتل؟!

      شعرٌ اسود فى القبور.. شعرٌ ابيض على الكراسى..قلبٌ ابيض فى القبور..قلبٌ اسود على الكراسى ، طفل لم يتجاوز الرابعة عشر من عمره ، كل ما فعله انه ذهب مرتديا تي شيرته الاحمر حاملا علم فريق الذى يفتخر بأنه يشجعه  الى استاد بورسعيد ،  فعاد الى بيته ملفوفا بالكفن الابيض ، انه انس محى الدين .. 
                               

   اذا اردت ان تعرف لماذا قتل انس فعليك ان تعرف بماذا اوصى ابن ال 14 عام :- 
انا أعلن وصيتي فى حالة وفاتي أنا عاوز الآتي يتم:

"
1-أن  يتم لفي بعلم مصر
2-ان يتم تشييع جنازتي في ميدان  التحرير
3-أن يتم التبرع بقرنية عينيا لمصابي الثورة عين لشخص وعين لشخص آخر
4-أن يتم التبرع بباقي أجزاء جسمي لمصابى الثوره "

                            صورة لوصية الشهيد

 وكأنه كان يعلم انه سيكون شهيد من شهدائنا..
      انس قبل استشهاده كان يهتف بكل حماس قائلا"ويوم ابطل اشجع هكون ميت اكيد" كما كان يهتف كل رفاقه اللذين استشهدوا فى تلك المجزره وبالفعل لن يشجعوا فريقهم مرة اخرى..صدقتم!!
                        ولكن .. بأى ذنبٍ قتل ؟؟!!
       يا عمر الزهور--يا إبتسامة الربيع-- رحلت وأدميت القلوب..لن ننساك ياضحكة الثوره .. لن ننساك يا شهيد ، فدمائك وقوداً لنا لنكمل ثورتنا.

 انت سبقتنا الى جنة الخلد فكن شفيعا لنا عند ربك .. اللهم ألهم اهلك وألهمنا الصبر والسلوان